AW [a:w], 1. Haýwanlary, guşlary awlamak maksady bilen olary gözleme, yzarlama, şikär. Ol özüniň ak guşagyny biline guşanyp, hemişe daglara awa gidýär (A. Gowşudow, Mähri—Wepa). Awy oňmadyk şagallar kete-kete uwlaşýardylar (M. Ibrahimow, Ol gün geler). 2. Atmak ýa-da başga hili ýol bilen tutulýan çöl haýwanlary, guşlar. Palawa aw etlerinden atmak bolar («Sowet Türkmenistanynyň aýallary» žurnaly). Aý ýigid-e «urd-ow!», bu aw urşuň bilen sen meýdanda guş goýmarsyň — diýidi (A. Durdyew, Saýlanan eserler). *Aw ganly — awuň oňandygyny ýa oňmandygyny bilmek üçin aýdylýan aňlatma. Aw janly — aw oňmady, aw şowsuz. Gyşa aw bolmak — Ser. G y ş. Dowarlaryň bir neçesi gyşa aw boldy («Tokmak» žurnaly). |