ÝÜŇ, Haýwanlaryň derisiniň üstündäki ýumşak tüý örtügi. Düýe ýüňünden çekmenli adamlar aýbogdaşlaryny burup otyrdylar (B. Kerbabaew, Aýgytly ädim).

Kötek güýçli bolsa, ýüň gazyk ýere gider (nakyl).

Bibi ejesine ýüň tüýdüşdi.

<>Ýüň sakgal bolmak — başga biri üçin kişiniň öňünde ýalançy bolmak, birini aldap masgara bolmak. Emma hyýallar dünýäsinde ýaşamagy gowy görýän adamlaryň eýýäm ençeme gezek ýüň sakgal bolandyklary mälimdir («Sowet Türkmenistany» gazeti). Ýa, bu-ha oňarjak-ow, bizi ýüň sakgal etjek-ow! (A. Durdyew, Saýlanan eserler).

Ýüňi ýetmek — 1) mazaly güýje girmek, jahyl çykmak , ýetişmek. Biziň galalarymyzda ýigrimi bäş ýaşy dolduryp, ýüňi ýeten goç ýigitler her gün gijara galanyň bir gapdalyna ýygnanyşýardylar (A. Gowşudow, Powestler we hekaýalar);

2) Ýetjek derejesine ýe-mek, barmaly hetdine barmak, bahasy ýetmek. Ylaýta -da, Gulluhanyň ýüňi yetdi. Mamanyň ýüňi etdi (B Kerbabaew, Aýgytly ädim).

ÝÜŇJÜMEK, Tüýjerip duran, ýüňi üpür- çüpür bolan. Irimçik ýüňjemek süýümli birýyllyk formany 1941-nji ýylda almaklyk bize başardypdy (W. Kulebeýaew, Inçe süýümli sowet gowaçasynyň TSSR-däki täze sortlary).

ÝÜŇLEK, Ösgün ýüňli, gür ýüňli, ýüňi köp berýän. Ýüňlek goýun.