ASPE'KT, Nukdaýnazar, bir zada bolan garaýyş. A'SPID, min. Gara renkli gat-gat mineral. ASPIRA'NT, Ýokary okuw jaýynyň ýa-da ylmy edaranyň aspiranturasynda okap, ylmy iş ýazmaga taýýarlanýan adam. ASPIRANTURA, Ýokary okuw jaýlarynyň we ylmy edaralaryň garamagynda ylmy işgärleri taýýarlaýan kurs. Aspiranturada oka-da, belli bir temanyň üstünde işläp, alymlyk derejesine ýetjek bol (A. Gowşudow, Köpetdagyň eteginde). Ol hem meniň aspiranturada galman, oba işe gaýdanlygymy makullaýardy (N. Jumaýew, Ak derek). ASPIRI'N, farm. Kelle agyryny aýyrýan hem-de gyzgyny peseldýän derman. |