GIŇ [gi:ň], 1. Dar däl, göwrümi ýaýraň, inli. Iki sagat ýöränlerinden soň, olaryň öňünde giň jülge ýaýylyp gitdi («Sowet edebiýaty» žurnaly). Belent jaýyň ýazylyp ýatan giň saýasyny dolduryp oturan adamlar dutaryň şirin owazyndan lezzet alýardylar («Tokmak» žurnaly).

2. göç. m. Gahary gelmezek, sowuk ganly, darykmaýan. Giň adam.

GIŇELMEK [gi:ňelmek], Öňki ýagdaýyndan göwrümi artmak, giň bolmak, meýdany ulalmak, inli bolmak. Sowukda jisimleriň göwrümi daralyp, gyzgynda, yssyda giňelýär («Fizika kursy»).

GIŇELTMEK [gi:ňeltmek], 1. Göwrümini artdyrmak, giň etmek, inine artdyrmak, ulaltmak. Çeşmäniň gömlen suwlaryny, jalawlaryny arçap, gözbaşyň aýtymyny giňeltdiler (N. Pomma, Sebäbini soň bildim).

2. Artdyrmak, köpeltmek, ýaýbaňlandyrmak. Maldarlar arasynda agitatsion-köpçülik işin, gerimini giňeltmeli («Sowet Türkmenistany» gazeti).

GIŇEMEK [gi:ňemek], 1. Giňligi artmak, göwrümi ulalmak, giňelmek. Serdaryň uzadan turşy hyýaryny waşyrdadandan soň, Kelhanyň bogazy biraz giňedi (B. Kerbabaew, Aýgytly ädim)!

2. göç. m. Giň göwrümli bolmak, sowuk ganly bolmak. Ol indi gaty giňäpdir.

GIŇIŞ [gi:niş], Dar däl, birneme giň. Bu jaý her zatdyr oňa göre giňiş.

GIŇÝŞGENLIK [gi:ňişgenlik], ser. Giňişlik 1. Gije galan bir towşan giňşigenlige çykdy-da, töwerege diň salmaga durdy (L. N. Tolstoý, Saý-lanan eserler).

GIŇIŞLIK [gi:ňişlik], 1. Göwrümi ýaýranlyk. açyklyk, gaty boşluk, giňlik. Samoliot deňiz giňişligiň üstünden uçup barýardy («Sowet edebiýaty» žurnaly).

2. Arkaýynçylyk, asudalyk. Soltansöýün giňişlik bir wagt bolsa, belki, ony harmana taşlardy (Myraly).

GIŇLIK [gi:ňlik], 1. ser. Giňişlik . 1. Aňyrsy-bärsi görünmeýän giňlige göz ýetirip bolmaýardy.

2. Sowukganlylyk, arkaýynçylyk, paýhaslylyk. Ogulşeker özüni giňlige saldy («Sowet Türkmenistanynyň

aýallary» žurnaly).