Asly hanyň obasy bar, kendi bar,
Emmek üçin lebleriniň gandy bar,
Her düwmäniň segsen sekiz bendi bar,
Maňa sen ýar gerek, özge gerekmez.
Meniň ýarym käkil olup ýerisin,
Men bilmenem, haýsy bagyň güli sen,
Saňa degen näzik gollar güllesin,
Maňa sen ýar gerek, özge gerekmez.
Derýanyň gyrasy ol agyr iller,
Ürküşer sonalar, boş galdy köller,
Pyntyjak barmaklar, hynaly gollar,
Maňa sen ýar gerek, özge gerekmez.
Kerem diýer, bölek-belek böl meni,
Goý aparsyn akyp barýan sil meni,
Sen Asly bolsaň, söýerem seni,
Maňa sen ýar gerek, özge gerekmez.