JELEGAÝ, Daş-töwerekdäki golaý-goltum ýerler, töwerek. Olar 2—3 günden bärde bu jelegaýlarda gyzyllar görner öýdüp pikir hem etmeýärdiler (X. Ysmaýylow, Powestler) Bu jelegaýda durmaryn («Tokmak» žurnaly)

JELLAP [jella: p], Alyp satyjy, söwdagär Jellaplara iň iri senagatçylar diýlip at berdi.

JELLAPLYK [jella:plyk], Jellabyň käri, ýagdaýy, söwdagärlik.

JELLAPÇYLYK [jella:pçylyk], ser. Jellaplyk. Ol jellapçylyk bilen gün görýän jalataýdy (B   Kerbabaew, Aýgytly ädim).

JELLAT [jella:t], kön. s.1. Ölüm jezasy baradaky hökümi ýerine ýetirýän adam.

2. Ganhor, zalym, jebir ediji. Gan içen jellatlar pyçagyn ýalap, Kän kelle kesdiler köne döwürde (Ata Salyh, Saýlanan eserler) Olaryň boýunlaryna gulçulyk zynjyryny dakmak isleýän adamhor jellatlaryň ýigrenç pygyllaryny paş etdi (B. Pürliew, Ilkinji gün).

JELLATLYK [jella:tlyk], 1. Jelladyň käri.

2. göç. m. Ganhorlyk, zalymlyk. Eziziň jellatlygy harby sülçini ýekeje-de ynjalykdan aýyrmaýardy (B. Kerbabaew, Aýgytly ädim).