|
MYM | ||||
|
|
|
MYMYK [my:myk], 1. Beter ýumşak, juda mylaýym. Makarowyň güne ýanan bugdaýreňk ýüzüne, arkan gaýtarylan mymyk saçyna, döşündäki «Altyn ýyldyz» medalyna dikilen gözler başga ýana bakmaýardylar («Sowet edebiýaty» žurnaly). Halnazar ýagly döşüň mymyk etini ýuwudandan soň, süňklerini çeýnedi (B. Kerbabaew, Aýgytly ädim). 2. Mylaýym, ýakymly, ýaramly. Öwüsýär baharyň mymyk yelleri (A. Haýydow, Gök asman).
MYMYLDAMAK [my:myldamak], Endigan, siňňin yrgyldap durmak, hereket edip durmak. Tamyň gapysynyň ýokary gapdalynda, kiçijik penjiräniň öňünde pružinaly üsti mymyldap duran ak krowaty bardy (A. Durdyew, Saýlanan eserler).
MYMYLDY [my:myldy], Birsydyrgyn, endigan bolýan, siňňin yrgyldy, hereket.
MYMYRAMAK [my:myramak], 1. Asuda halda bolmak. Mawy deňiz rahat mymyraýardy, Şelpelerni çala yralaýardy («Sowet edebiýaty» žurnaly). 2. Janyň şypa tapyp, lezzet alyp, ukuly ýagdaýda meýmiremek. Artyk maňlaýyny iki eliniň aýasyna goýup, gyzgyn günuň astynda mymyrady. Guýrugy küle erinlek köpek güne mymyrap ýatyrdy (B, Kerbabaew, Aýgytly ädim). |