|
NEJ | ||||||||
|
NEJASAT [neja:sat], Adamyň, haýwanyň we ş. m. içegeleri arkaly daşa çykýan jisim, tezek.
NEJAT [neja:t], Çäre, çykalga, alaç. Men öňünden öz nejadymy özüm garaýyn (A. Gowşudow, Köpetdagyň eteginde). Indi, halypa, nejadyňy garaber! (A. Durdyew, Saýlanan eserler).
NEJIS (neji:s], 1. Ýürek bulandyryjy, bet, ýaman, pis. Meret obanyň baýlaryndan nejis işleriň ýüze çykjagyny oslaman durmaýardy (A. Durdyew, Saýlanan eserler). 2. göç. m. Haýyn, ýigrenji. Ol indi uruş oduny tutaşdyrmak isleýän nejislere garşy halkyň alyp barýan göreşi hakynda gürrüňe başlady (B. Pürliew, Ilkinji gün). Bes et indi, ynsapsyz nejis. («Sowet edebiýaty» žurnaly).
NEJISLEMEK [neji:slemek], Pislemek, näletlemek.
NEJISLENMEK [neji:slenmek], Pislenmek, näletlenmek.
NEJISLIK [neji:slik], 1. ýürek bulandyryjylyk, betlik, ýamanlyk, pislik. 2. Haýynlyk, ýigrenjilik. |