|
NEM | ||||||||
|
NEM, Çyglyk, yzgar, çyg. Düýbüne nem göýberlen gök maýsa ýaly ruhum täzelenip başlady (N. Pomma, Taýlak hyzzyn). Asmandan bir katra nem dammady, (B Kerbabaew, Aýgytly ädim).
NEME, Nämälim zady, adamyny we ş. m. görkezýän nämälim çalyşmasy. Neme, nire gitdi? Neme, sen bärik gelip git.
NEMETSLER, Germaniýanyň ýerli halky, esasy ilaty.
NEMJIRETMEK, Birneme çyg çekdirmek, birazajyk yzgar aldyrmak. Radiatordan uly güýç bilen bug çykyp, maşynyň aýnasyny nemjiretdi («Sowet edebiýaty» žurnaly).
NEMLEMEK, Çyg çekdirmek, yzgar aldyrmak, çygjartmak. Tiz gögerip çykmaga tohumy nemläp häzirlemeli (A Gowşudow, Köpetdagyk eteginde).
NEMLENMEK, Çyg çekmek, yzgar almak, çygjarmak. Samyr deresinden gulakjynymyň, Nemlenen bagjygy doňdy bada-bat («Sowet edebiýaty» žurnaly).
NEMLETMEK , Çyg çekdirtmek, yzgar aldyrtmak. Tohumlary nemletmek.
NEMLI, Çyg çeken, yzgar alan, çygly, yzgarly. Niredendir bir ýerden üstüne ýagyş sepelän gury syzanyň, şor garaganyň şorumtyk nemli ysy şemala aralaşyp gelýärdi (A. Gowşudow, Kepetdagyň eteginde).
NEMLILIK, Çyg çekenlik, yzgar alanlyk, yzgarlylyk. Gurçuk tutulýan döwürde bir näçe gün yzly-yzyna ösen epgekli ýeller ýapraklaryň nemliligini ep-esli peseltdi (W.Z. Raenko, Ýüpekçilik boýunça öňde baryjy tejribe).
NEMUNA [nemu:na], kön. s. Nusga. Tejribe stantsiýasynda ýetşidirilen reňkli pagtanyň nemunalary bolluk alamaty ýaly bolup, köreklerini ýaryp, çykyşyp durýardylar («Sowet edebiýaty» žurnaly). Biz ikimiz dünýäniň iň soňky adamlaryna nemuna bolup galarys (Myraly). |