JYŇK: 1) jyňkyňy çykarmazlyk — sesiňi çykarmazlyk, geplemezlik. Jyňkyny hem çykarmady. (B. Pürliew, Ilkinji gün). Mämmet jyňkyny çykarmady («Sowet edebiýaty» žurnaly). Suw sanaşygynda hiç biriňiz jyňkyňyzy çykaraňyzok (B. Kerbabaew, Aýgytly ädim) ; 2) jyňk etmezlik — ser. Jyňkyňy çykarmazlyk. Ol gorkusyna jyňk etmeda.

JYŇKYTMAK, gepl. d. Nebsewürlik bilen içmek, bir başa çekmek. Taýmaz baba sowan çaýy jyňkytdy (K. Gurbannepesow, Goşgular we poemalar).

JYŇŇYRDAMAK, Jyňňyrdyly ses çykarmak, jyňyrdyly seslenmek. Käseler dynuwsyz jyňňyrdady (B. Kerbabaew, Aýgytly ädim). Başlyk raýondan öýüne gelip, ýaňy öňüne bir çäýnek çaý alanynda, telefon jyňňyrdady («Sowet edebiýaty» žurnaly).

JYŇŇYRDATMAK, Jyňňyrdyly seslendirmek, ses çykartmak. Başlygyň galam bilen käseni jyňňyrdatşyna garaman, Näzikjamalyň, ynjyly ýüzüne çukanak gözlerini güldürip seretdi (B. Kerbabaew, Aýsoltan). Derwezeban elindäki açarlaryny jaňňyrdadyp, howlusyna bakan ökje göteripdir (Myraly).

JYŇŇYRDAŞMAK, Bir näçe ýerde jyňňyrdamak, yzly-yzyna jyňňyrdamak, jyňňyrdyly seslenmek.

JYŇŇYRDY, Metal, çüýşe we ş. m. zatlaryň ýa-da jaňyň urulmagyndan döreýän yrgyldyly titrewük ses. Torgaýlaryň jüýp-jüýbi şahalardaky yranýan gozalary — düwmeleriň jyňňyrdysy ýaly bolup eşidilýär-di (B. Kerbabaew, Aýsoltan). Käse gapböwürdäki tagana  degip, jyňňyrdy bilen pytrady (B. Kerbabaew, Aýgtly ädim). Stoluň üstündäki telefonyň jyňyrdysy eşidildi.