JYSSYLDAMAK, Jyssyldyly ses çykmak, jyssyldyly ses bilen atylmak. Depesinden oklaryň jyssyldap geçýändigini eşitdi (B. Kerbabaew, Aýgytly ädim). Tüpeň jyssyldap gitdi.

JYSSYLDATMAK, Jyssyldyly ses çykarmak, döretmek. Jyssyldadyp tüpeň atmak.

JYSSYLDAŞMAK, Yzly-yzyna jyssyldamak, bilelikde jyssyldap atylmak. Yzly-yzyna atylýan tüpeňleriň sesleri jyssyldaşýardy.

JYSSYLDY, Gülle atýan ownuk kalibrli tüpeň atylanda, «jys» edip çykýan ses. Olara atylýan okuň jyssyldysy olary aljyraňňylyga salsa-da, topbaklaryny ýazmaýardylar (B. Kerbabaew, Aýgytly ädim).