BUSDURMAK, 1. Üstüni basyrtmak, gizletmek, ýaşyrtmak. Özüniň agtygynyň bir näçe ýaramaz gylyklaryny busdurdy (A. Gowşudow, Mähri—Wepa).

2. Ýere bagryny berdirmek, ýapyryldyrmak. Towugy busdurmak.

BUSDUR-ÝASDYR: busdur-ýasdyr etmek — üstüni basyrmak, gizlemek, ýaşyrmak.

BUSMAK, 1. Gizlenmek, ýaşyrynmak, bukulmak. Busun galan içki duşmanlara rehimsiz daramak gerek («Sowet edebiýaty» žurnaly).

2. Ýere ýapyrylmak, ýere bagryňy bermek. Ol gamyşlaryň arasynda busup ýatan sülgünleri görjek, bolup, gözüni ýiti-ýiti gezdirýärdi (A. Durdyew, Saýlanan eserler). Bir towşanjyk egnin gysyp, Çöp düýbünde busup ýatyr (B. Kerbabaew, Poemalar).

BUSULMAK, ser. B u s m a k.

Busulan ýeriň kän bolar, Eger sen bürgüt-de bolsaň (Çary Aşyr, Ganly saka).