KAGOR, Üzüm çakyrynyň bir sorty, desertli gyzyl şerap. Kagor örän goýy çakyr bolýar.

KAGYZ [ka:gyz], 1. Ýazmak, surat çekmek we ş. m. üçin agaçdan, pamykdan we şolar ýaly zatlardan taýýarlanan serişde. Gadym wagtlarda, ýazuw ýüze çykmanka, goipy kagyz ýüzüne ýazylmandyr (A. Kekilow, Edebiýat teoriýasy). Kagyzlaryň gyrasy ýyrtyk-ýyrtyk, sahypalaryna el kiri düşüp, yz galdyryp gidipdir ( N. Saryhanow , Saýlanan eserler). Iki tagta kagyz.

2. gepl. d. Resmi hat, dokument. Onuň eline iki barmak kagyz ýazyp berip göýberdiler. Sähediň gerekli kagyzlar diýip hasaplaýan kagyzlarynyň hemmesi şu sanaçda ýerleşdirilýärdi (A. Gowşudow, Mähri—Wepa).

<> Kagyz ýüzünde galmak — iş ýüzüne geçirilmän galmak. Kagyz ýüzünde galan karar hakda gürrüň etdiler.

Lakmus kagyzy — lakmusyň ergini siňdirilen filьtrleýji (süzgüç) kagyz. Kislota lakmus kagyzyna täsir edip, onuň reňkini gyzyl edýär (S. N. Winogradow, A F. Kuzynin, Logika).