AL [a:l] I, Gyzgyldrak goňur renk, gyzylymtyl. Seni kim ýaratdy beýle al ýaňak («Sowet Türkmenistanynyň aýallary» žurnaly). Jaýyň depesinde bolsa, belli zat, al baýdak pasyrdaýar (N. Jumaew, Ak derek). AL [a:l] II, 1. Fantastik, mifologik düşünjä görä: arwah, jyn, eýe. 2. Hile, aldaw, mekirlik. Kakam türkanadyr, alarlar daşyn, gorkýaryn, al bilen aýlarlar başyn («Sowet edebiýaty» žurnaly). *Al açmak— bedeniňi, saçyňy ak-ala edýän kesele duş bolmak. AL-ELWAN [a:l-elwa:n], Gyzylala, gyzyly köp bolan (geýim-gejim hakda). Mamagül al-elwan geýnip, çyrpy hem gyzyl kürte atynyp, gelin ýaly bezenýär (A. Gowşudow, Köpetdagyň eteginde). Al kakmak mif. — ser. Al çalmak. Al petinden almak — biriniň ýüzüni almak, dalamak. Halnazar onuň öz üstünden düşmeginden howatyr edip, al petinden aldy, herreldi (B. Kerbabaew, Aýgytly ädim). Al çalmak mif. — arwah, jyn täsir etmek. |