|
GOŇAK, Saçyň düýbünde emele gelýän, kepege meňzeş ownuk-ownuk tozga. Saça goňak düşüpdir. Saçy ýuwup, goňagyny aýyrmak. GOŇAKLAMAK, Kelläňe, saçyň düýbüne goňak düşmek. Saç kirlese goňaklaýar. GOŇAKLATMAK, Kelläňe, saçyňa goňak düşürmek. Kelläňi goňaklatmak. Saçyňy ýuwman goňaklatmak. GOŇKARMAK, Gopbamsy, ulumsy ýagdaýda oturmak. Goňkaryp oturmak. GOŇRALMAK, Goňur reňke öwrülmek, goňur reňke geçmek, goňur bolmak. Aýsoltanyň güne goňralan ýüzüniň aşagyndaky akjyk alkymy Begenji gozgalaňa saldy (B. Kerbabaew, Aýsoltan). GOŇRAS, Goňra ýakyn, goňur öwüsýän, çala goňur. Begenjiň güne ýanan ýüzi gyzgylt goňras bolup görünýär (B. Kerbabaew, Aýsoltan). Anha möjekleriň goňras derisi bulaşyp ýatyr («Sowet edebiýaty» žurnaly). GOŇRUMTYL, ser. G o ň r a s. GOŇUR, Gyzgylt mele, garamtyl gyzyl (reňk)\ Aýsoltanyň güne ýanan goňur ýaňagyny ýalap geçýän şemal-da salkynlyk duýulýardy (B. Kerbabaew, Aýsoltan). Goý, tanasyn ol duşman, Kim ekeni duşmany, Gelenne etsin puşman, Goý, aksyn goňur gany! (A. Nyýazow, Şygyrlar). GOŇURBAŞ, bot. Ýaz aýlarynda bitýän ýumşak ot. GOŇURSAMAK, Ýanyk ys gelmek, goňursy ys gelmek. Bir zadyň ysy goňursaýar (L. N. Tolstoý, Saýlanan eserler). GOŇURSATMAK, Goňursy ys ýaýratmak, goňursy ys döretmek. Rezin ýakyp goňursatmak. GOŇURSY I, Goňursap çykýan ýanyk ys. Jaýdan bir hili goňursy ys gelýärdi. GOŇURSY II, Goňra ýakyn reňk. Goňursy mele reňkli skulьpturalar ýoluň gyralaryny bezeýärdiler («Sowet edebiýaty» žurnaly). GOŇŞULYK, Goňşy bolup ýaşamaklyk, ýanaşyklyk. Men onuň bilen duldegşir goňşulykda ýaşaýaryn («Tokmak» žurnaly). GOŇŞUÇYLYK, ser. Gokşu-lyk. Goňşuçylyk aragatnaşygy. Goňşuçylykda gowy görüşmek gerek. GOŇŞY, Biri bilen ýanaşyk ýaşaýan hojalyk, maşgala, hemsaýa. Hatda öz goňşulary çagajyklaryna täze egin-baş geýdiräýseler, Ýolli şoňa hem içigaraçylyk, göriplik ederdi (A. Gowşudow, Köpetdagyň eteginde). Sag bol, meniň gadyrly goňşym! (G. Muhtarow, G. Seýitliew, Çopan ogly). Gülme goňşyňa — geler başyňa (nakyl). Eýesine gerek bolsa, goňşusyna haram (nakyl). Goňşyň goňşy bolsa, kel gyzyň hem äre gider (nakyl). * Goňşy okara — goňşuçylyk arasynda biş-düşden dadyrylýan zat, nahar. Goňşy okara alşyp-berişmek. GOŇŞY-GOLAŇ, Goňşulykda we ýakyn töwerekde ýaşaýan hojalyklar, maşgalalar. Onuň sypaýyçylygy, adamkärçiligi, goňşy-golaňa mehribançylygy, hiý, diýip-aýdar ýaly däldi! (B. Kerbabaew, Aýgytly ädim). Bularyň goňşy-golaňlaryndaky garrylar-da edil pälwanlar ýaly irden turup, mal-garalaryna seredýärler (A. Durdyew, Saýlanan eserler). |