|
GOZA [go:za], 1. Gowaçanyň heniz açylmadyk gunçasy. Gozalary müňden-müňden çakyşýar, Agarypdyr, ýüzme gülüp bakyşýar (N. Pomma, Saýlanan eserler). Sansyz gozalaryň hanasyn sallap, oturşy gözüniň öňünden geçýär. 2. Aýallaryň saça dakýan kumuş şaýy. GOZAK, Tara çukury, taranyň aşagyndaky aýak sokulyp oturylýan çukur. Hanha agzyn açyp ýatyr Dursun pahyryň gozagy (Çary Aşyr, Poemalar). GOZALAMAK [go:zalamak], Goza çykaryp başlamak, goza getirmek. Gowaçalarymyz gyradan gozalapdyr. GOZGALAŇ [go:zgalaň], 1. Köpçülikleýin ýaragly çykyş, baş galdyryş, topalaň. Olar gozgalaň turuzdylar hem ýeňiş gazandylar. Umuman, gozgalaň rewolýutsiýa gansyz, gurbansyz başa baranok (B. Kerbabaew, Aýgytly ädim). Buhara halky ýaragly gozgalaň başlaýar («Sowet edebiýaty» žurnaly). 2.Ynjalyksyz gymyldy, hereket, howsala. Ol gyzda bir hili gozgalaň peýda boldy (A.Gowşudow, Mähri—Wepa). * Gozgalaňa duşmek — howsalaly, aladaly ýagdaýda bolmak. Gozgalaň düşen garry Aşyry gözýaş bilen gujaklady (B. Kerbabaew, Aýgytly ädim). GOZGALAŇLY [go:zgalaňly], Aladaly. howsalaly,ynjalyksyz. Gozgalaňly Tyçenko koridorda gezime başlanda. ak gwardiýaçylar komissaryň odinoçkasyna şakyrdaşyp girdiler (B, Kerbabaew, Aýgytly ädim). GOZGALAŇÇY [go:zgalaňçy], Gozgalaňa gatnaşyjy, gozgalaň ediji, gozgalaň turuzýan. Siz beýle gozgalaňçylara köp duçar gelersiňiz (M. Ibrahimow, Ol gün geler). Ol özüni Eziz hanyň. ýanynda gozgalaňçylaryň janypkeşlerinden görkezdi (B. Kerbabaew, Aýgytly ädim). GOZGALMAK [go:zgalmak], 1. El degrilip ýerinden üýtgedilmek, ýerinden gymyldadylmak, ellenmek. Stoluň üstündäki zatlar gozgalypdyr. 2. Bir zat ýa-da mesele hakynda gurrüň edilmek, agzalmak. ýygnakda Durdy hakdaky mesele gozgaldy. GOZGAMAK [gskzgamak], 1. Ýerinden üýtgetmek, ýerin-den süýşürmek, ýerinden gymyldatmak, ellemek. Traktor agyr, ýerinden gozgap bolanok («Tokmak» žurnaly). Indi.meni bu jaýymdan gozgama («Görogly» eposy). Ody gozgasaň, öçer, goňşyny gozgasaň, göçer (naňyl). 2. Bir zat ýa-da mesele hakda gurrüň etmek, agzamak. Planyň ýerine ýetişi hakynda mesele gozgamak. 3.Täsir etmek, ynjytmak, rahatsyzlandyrmak. Soňky gürrüňler ony has hem gozgady (B. Kerbabaew, Aýgytly ädim). GOZGANMAK [go:zganmak], Ýerinden süýşmek, ýa-da süýşjek bolmak, gymyldamak. Aýna oturan yerinden gozganjak bolanda, göwresine edem edip bilmändi(B. Kerbabaew, Aýgytly ädim). GOZGANYŞMAK [go:zganyşmak], Bilelikde gozanmak, gymyldaşmak. Bu wagt gapy tarapdaky adamlar iki ýana gozganyşdylar («Sowet edebiýaty» žurnaly). GOZGATMAK [go:zgatmak], Ýerinden suýşurtmek, yerinden üýtgetdirmek, yerinden gymyldatdyrmak. |