|
MEJ |
||||
|
MEJAL [meja:l], Güýç, kuwwat, hal, gurp, ragbat. Hiç mejalym galmady meň, Iýen dek saman, kepek (N. Pomma, Taýlak hyzzyn). Eýere ýapyşmaga mejaly bolmadyk aragatnaşykçynyň üstüne ölüm howpy abanýar («Mydam taýýar» gazeti). Bu ýerde gygyrmaga mejal nireden bolsun (A. P. Çehow, Saýlanan eserler). Mundan artyk bu ýerde durmaga mejal galmady («Sowet edebiýaty» žurnaly).
MEJALSYZ [meja:lsyz], Mejaly bolmadyk, güýç-süz, kuwwatsyz, halsyz, gurpsuz, ragbatsyz. Ýylan mejalsyz ýagdaýda hine girmekçi boldy («Mydam taýýar» gazeti). Okuň astynda mejalsyz ýaralylary buky ýere çekip, ýeňil-ýelpaý ýaralylaryň ýarasyny daňyşdyrdy («Sowet edebiýaty» žurnaly).
MEJALSYZLYK [meja:lsyzlyk], Mejaly ýokluk, güýçsüzlik, kuwwatsyzlyk, halsyzlyk, ragbatsyzlyk. Ilat, çekerliksiz paçlar we agyr jerimeler bilen halys mejalsyzlyga ýetirilipdir (SSSR taryhy).
MEJBUR [mejbu: r], Bialaç, çäresiz, boýun. Men ýene sag elimi size uzatmaga mejbur (G. Muhtarow, G. Seýitliew, Çopan ogly). Men saňa bir syry aýtmaga mejbur bolýan (A. Durdyew, Saýlanan eserler). Artygyň agyr ýagdaýy ony uzak oýlanmaga mejbur etdi. (B. Kerbabaew, Aýgytly ädim). Öz gödekligim bilen men seni aýazda durmaga mejbur etdim (B. Pürliew, Ilkinjý gün). Bu ýalňyşlaryny bize hormat goýany üçin boýun almaga mejbur bolan ýaly bolup görünýär («Sowet edebiýaty» žurnaly).
MEJBURLYK [mejbu: rlyk], Mejbury bolan hal-ýagdaý,borçlulyk, çäresizlik. Diňe mejburlyk zerarly reaktsiýa demokratik hereketiň öňünde käbir eglişiklere gitmäge mejbur bolýar (G. Kulyew, Köpetdagyň aňyrsynda).
MEJBURY [mejbu:ry], Ýerine ýetirilmegi hökman bolan, borçly bolan, hökmany, çäresiz, alaçsyz. Wladimir hristiançylygy hatda öz raýatlarynyň arasynda-da mejbury suratda ýaýradypdyr (SSSR taryhy).
MEJIME, Nahar iýer ýaly giňden ýalpak gap, ýaýbaň jam. Stoluň üstündäki içi buzly mejimeler, generallaryň sesi, edilýän gürrüňler biri-birine bap gelýrdi (N. W. Gogolь, Saýlanan eserler).
MEJLIS [mejli:s], Bir edaranyň ýa-da guramanyň bir mseläni ara alyp maslahatlaşmak maksady bilen geçirýän ýygnagy, maslahaty. Mejlisdäkileriň egin-eşigi älemgoşary ýadyňa salýar (B. Kerbabaew, Aýsoltan). Mejlisde şäher kommunal hojalygy, bölüminiň gurluşyk işlerini haýal alyp barýandygy bellenildi. Raýkomyň býuro mejlisinde ol uly söz sözledi («Tokmak» žurnaly).
MEJNUN [mejnu:n], kön. s. 1. Däli-diwana, jynly. 2. Yşk ýoluna düşen. Mejnun boldy-la, sen aýtmasaň hem, hemme duranlar duýdular (G. Muhtarow, G. Seýitliew, Çopan ogly).
MEJNUNLYK [mejnu:nlyk], 1. Däli-diwanalyk, jynlylyk. 2. Yşk ýoluna düşenlik. Şunuň ýaly mejnunlykda Ötdi niçe ýaşyň seniň (Çary Aşyr, Poemalar). |