JANYNA DEGMEZ

Eý ýaranlar, bir bigaýrat ýigidiň,

Mün ýaman söz aýtsaň, janyna degmez,

Zynhar düşmäň  namartlaryň goluna,

Öldürseň-de, nähak ganyna degmez.

Söz bilmeseň, bileniňi aýtmasaň,

Söz sözledip, söz aslyna ýetmeseň,

Ýaý çekende, dogry garap atmasaň,

Ol okuň nyşanaň ýanyna degmez.

Magtymguly, sözün bilene sözdür,

Bilmedik  adama  gury  owazdyr.

Adam bar, müň tümen iýdirseň azdyr,

Bardyr, adam iýen nanyna degmez ,