|
Eý ýaranlar, musulmanlar,
Däli köňül joş olmasyn,
Ýene bir ýagşy ýigide,
Ýaman hatyn duş olmasyn.
Her kişiniň öz zürýady —
Akyl görner beýnisinde,
Iki dostuň arasynda,
Ýaman-ýowüz iş olmasyn.
Bir yşk düşse adam serne,
Uky gaçyp, köňül urna,
Iki aşyk bir-birine,
Ýakyn olsun, daş olmasyn.
Il içinde özün öwer,
Dag-dumany başdan agar,
Ýigide nogsany deger,
Namartlar ýoldaщ olmasyn.
Sözle heý, aşygym, sözle,
Gel, kyýamatlygyň gözle,
Magtymguly, syryň gizle,
Her namarda paş olmasyn.
|
|
|