|
Neçün däli eýlediň,
Söwdügim, gözüň bilen?
Kürsä oturdym, galdyrdyň,
Ol toty sözüň bilen...
Şöhle saldyň äleme,
Ýar, şekili-ýüzüň bilen.
Aý-güni bendi kyldyň,
Gaş kakyp, uzuň bilen.
Seýran kyldyň çemene,
Sonaly gazyň bilen.
Gülälekden bezediň,
Ol dagy-düzüň bilen.
Wepa bermediň maňa,
Ötdi Gün ýazyň bilen.
Seýil kyldyň säherler,
Sen gelin-gyzyň bilen.
Ukudan oýatdyň sen
Ol tylla sazýň bilen.
Halamadyň, söýmediň,
Gara gaş göz bilen.
Basaw yzyn öpmedim,
Ýörip sen dyzyň bilen.
Bilbili saldyň derde,
Şirin owazyň bilen.
Toý-tomaşa eýläp sen ,
Söhbetli bazьщ bilen.
Jesedimni daş etdiň
Gyş pasly, buzuň bilen.
Diýer Nepes, öldürdiň
Ahyry naziň bilen...
|
|
|