GURBANY MEN

Gara  zülpün ösüşiniň,

Gözel ýarym, haýrany  men.

Şemal kakyp öwsüşiniň,

Aklym gidip, gurbany men.

Geldiň bize, ýolny başlap,

Saçyn sanar men, gulaçlap,

Garap dur sen, barmak dişläp

Güler ýüzüň nurany men.

Oýanyp  sen  gije ýary,

Zülpüň seniň — daglar  mary

Ak göwsüňde goşa nary,

Bolsam girip, bagbany men...

Ah, Nepes, sen bolduň geda,

Ol ýaryňdan galdyň jyda,

Nahak kyldyň janyň pida

Biçäreler armany men...