Höwes bilen barsam edephanaga,
Aklym alar ol dilberiň allary,
Zülpi heniz ýetgen imes şanaga,
Meger huda uzak salmaz ýollary.
Müjgänleri jandan öter gözlese,
Tapmas kişi istäp any yzlasa,
Şeker damar leblerinden sözlese,
Totumydyr, bilbilmidir tilleri...
Mert başьşy namartlara egmesin,
Namart özün halk içinde öwmesin,
Ýar bagyga hazan eli degmesin,
Hoşreň bolsun çemen-çemen gülleri.
Kaýs baradur mekdebige hoş bolup,
Ýaryn görmek üçin köňli joş bolup,
Meniň ömrüm ýar ömrüne goşulyp,
Zyýat bolsun aý-u, gün-u, ýyllary.