NEÝLÄÝIN!
Mejnunym sen bolsaň, eşit zarymny,
Leýlim bu jahandan geçdi, neileýin!
Imdi hasap etmäň jogy-barymnyň,
Öýde şam çyragym öçdi, neýläýin!
Gije-gündiz ýyglap, gözde ýaş erdi,
Her niçik dirlikde köňlüm hoş erdi,
Elimde saýraýn toty guş erdi,
Ol guşum golumdan uçdy, neýläýin!
Indi görmek olmaz onuň boýuny,
Lahat at goýdular baran öýüni,
Saňa aýtmak üçin anyň soýuny,
Huşum gidip, aklym çaşdy, neýläýin!
Mejnun bolsaň, göz aç başyňny göter,
Leýliniň oduny eýleme beter!
Köp köýdürme meni, köýgenim ýeter,
Öýümden kerwenim göçdi, neýlänin!
Ne ýowuz habardyr sözümiz biziň,
Mejnunga ogşatdym şekliňiz siziň,
Garyp enesiýem men Leýli gyzyň,
Garyplygym hetden aşdy,neýläýin!