BIWAGT [bi:wagt], 1. Oslanmadyk, garaşylmadyk wagt, pursat, bimahal.

Durdy, megerem, bu biwagt gopan düşnüksiz hadysadan many alyp bilmedi («Sowet edebiýaty» žurnaly). 2. Ir ýa-da giç, degişli wagtynda bolmadyk.

BIWAZY [bi:wa:zy], Durmuşda özüni erbet alyp barýan, bozgak.

Biwazylara sapak berýän asyl sen ekeniň (A. Gowşudow, Köpetdagyň eteginde).

BIWAZYLYK [bi:wa:zylyk], Durmuşda özüňi gowy alyp barmazlyk, bozgaklyk.

BIWAZYÇYLYK [bi:wa:zyçylyk], ser. B i w a z y l y k.

Öňki biwazyçylyk edip ýöreşiň besdir (A. P. Çehow, Saýlanan eserler).

BIWATAN [bi:watan], Belli bir ýurtda orun tutmaýan, watansyz.

Bularyň hemmesi öz ýurduny satan biwatanlaryň toslamasy («Sowet edebiýaty» žurnaly).

BIWEPA [bi:wepa:], Wepa bermeýän, sözünde durmaýan, ynamy ödemeýän, wepasyz, ykrarsyz.

Hiç görülen däl-dir beýle biwepa, Maňa iki ýandan etýärler jepa («Sowet edebiýaty» žurnaly). Men biwepa bolabilmen (G. Muhtarow, G. SeýitLiew, Bagbanyň gyzy).

BIWEPALYK [bi:wepa:lyk], Wepa bermezlik, ynamy, umydy ödemezlik, wepasyzlyk, ykrarsyzlyk, dönüklik. Siz matsa biwepalyk etmersitsiz (M. ÝU. Lermontow. Biziň zamanymyzyň gahrymany).

BIWEÇ [bi:weç], Weji bolmadyk, weçsiz, bolgusyz, ugursyz, biderek (adam). Paýtagtda ýüze çykan bir näçe biweçleriň pitnesini ýatyrmak üçin nähili çäre görmek gerek? Aýbek, Nowaýy).

BIWYŽDAN [bi:wyžda:n], Wyždany bolmadyk, wyždansyz, ykrarsyz.