Köp çekdim jebriňi Jepaly,dilber
El göterdim indi, islemen seni,
Bolmadyň sen maňa wepaly,
dilber, El göterdim indi, islemen seni.
Dünýä eşretinden jyda eýlediň,
Mejnun dek yzyňda geda eýlediň,
Halaýyk içinde ryswa eýledin.,
El göterdim indi, islemen seni.
Dönüp, garar bolsam öten mahala,
Ahy-hasrat bilen geldim bu hala,
Aýlansaň başyma günde ýüz ýola,
El göterdim indi, islemen seni.
Göz ýaşym akmakdan hunriz bolupdyr,
Synam jerahaty göz-göz bolupdyr,
Meniň senden iýnim bez-bez bolupdyr,
El göterdym indi, islemen seni.
Zelili diýr, keşdim suwda synandyr,
Istihanym yşk oduna ýanandyr,
Indi köňlüm senden buza dönendir,
El göterdim indi, islemen seni.