|
|
Sen-sen mennň dilberim,
Janymyň jananasy;
Iki jahan serwerim,
Köňlümiň gamhanasy.
Ýüzleriň gül-gülmüdir,
Owazyň bilbilmidir,
Zülpleriň sünbülmidir,
Dişleriň dür dänesi.
Yklym perizady sem,
Gamgyn köňlüm şady sem, .
Sen bir yşkyň ody sen,
Men pakyr perwanasy.
Men bir misgini-gedaý,
Sen näzenin, husna baý,
Kirpigiň ok, gaşyň ýaý,
Men onuň nyşanasy.
Zelili; ahy-zaryň,
Dilberim, alla ýaryň,
Birew sorsa «Ne käriň?»,
Bir senem diwanasy!
|
|
|