Berimsiz beglerden, bahyl baýlardan,
Çöle çyksaň, erkek çopan ýagşydyr,
Goly giň, köňli dar çykymsyz handan,
Işiň düşse, mert galtaman ýagşydir.
Ýigidi ýok eder ýoksuzlyk dert hem,
Gaýratsyz ýigitden gowudyr it hem,
Bigadyr gardaşdan gadyrly ýat hem,
Nadan dostdan dana duşman ýagşydy.
Bu dünýä maly diýp, geçmäň ýagşydan,
Ýyrak otur muhapbetsiz kişiden,
Betlagam ioldaşdan, ýaman goňşudan,
Ýowaşja aýrylyp, gaçan ýagşydyr.
Bir habar gelipdir aşyky-zardan,
Ýitidir neşterden, sowukdyr gardan,
Sölite hatyndan, betlagam ärden,
Eýesine yssy haýwan ýagşydyr.
Zelili, bar zatdan ölümdir gaty,
Ölümden-de gaty kişi minneti,
Mollalar öwerler ol kyýamaty,
Goýsalar, bu ýagty jahan ýagşydyr.