Belent daglaryň başynda,
Bulut oýnar sil biläni,
Goç ýigide toýdur-baýram,
Her iş gelse il biläni.
Dil bilenler güň bolupdyr,
Altyn, kümüş zeň bolupdyr,
Peşe kaçan deň bolupdyr,
Ugraşanda pil biläni.
Otlaga gaçar buzawlar,
Öňün başlar ýagşy gäwler,
Tanalar ol has bedwler,
Köne ýyrtyk jul biläni.
Hak bendesi haka çapar,
Ýaman öz pälinden tapar,
Magtymguly aýbyn ýapar,
Iş kylyjy dil biläni.