Eý soltanym, Diýarbekir ýurdundan,
Hijr oduna ýana-ýana gelemen.
Muhupbetli söwer ýaryň jebrinden,
Men bu şähre gaýybana gelemen.
Men neýläýin aşna ýarym ýat oldy,
Ýüzi gara rakyp güldi, şat oldy.
Bir söz bilen, ýakdy bagrym, ot oldy,
Gulak salgyl, bu efgana gelemen.
Ördegim galmady, uçdy köllerde,
Bilbilim saýramaz boldy güllerde,
Aglaram ýar üçin bu ýat illerde,
Mejnun kibi sergezdana gelemen.
Senem bu gün jan köküni köwledi,
Meger, onui köňlün rakyp awlady,
Töhmet bilen ahyr meni kowlady,
Söweşiban döne-döne gelemen.
Garyp diýrler şahym, meniň adyma,
Gulak salyň, ýetgin meniň dadyma,
Senem bilen aýralygyň oduna,
Perwana dek ýana-ýana gelemea.