Tarlanly, tugunly, laçynly, guşly,
Howaly belentli, altynly başly,
Jülgesi umgaly, gollary goçly,
Kap dagyň bödegi Balkan amanmy?
Ajy eli mydam öser köwlenip,
Deger baran ança çaýlar towlanyp,
Jülgesinde aýrak, gulan awlanyp,
Kiçi Balkan, Boýa dagy amanmy?
Ümürli-dumanly, ýagmyr-ýagyşly,
Çeşmeli-çamyrly, bagly agaçly,
Keýikli, gulanly, ütelgi guşly,
Uhydyň bölegi Küren amanmy?
Gulam şahyr garry watan ýatlasa,
Arwanalar, iner-maýa botlasa,
Kemal han dörese, kendin otlasa,
At çapylan däli Gürgen amanmy?
|