Aý gül ýüzli ýarym sen, ak ýüzli maralym-a,
Deger dostuň biline, ak ýüzli maralym-a,
Bagyňda bagban eýle, gül ýüzli maralym-a,
Sallanyp öýden çykar, gül ýüzli maralym-a.
Myrat-maksada ýetir, ak ýüzli maralym-a,
Dünýäde gözel kändir, gül ýüzli maralym-a.
Meniň eziz dostlarym, diýem arzymny size,
Meniň arzym ýetiriň, ol gaşy gara göze.
Her haýsyňyz, bir ýandan, goluny beriň bize,
Ýüzünden posa alyp, tomaşa ediň bize,
Senem jany tabşyryp, turuň gidiň öýňüze,
Dünýäde gözel kändir, ak ýüzli maralym-a.
Eý, hüýrmi sen, eý peýker, gamzaň bagrymy ýyrtar,
Saçyň darap goýberseň, bir garyş boýdan artar,
Ýüzüňden nykap aýyr, şöhlesi jahan tutar,
Ol jemala aşygam, günbe-gün boldum beter.
Şunça gezdim azapda, gamzalaň jandan öter,
Aman-nurbat eý gelin, ak ýüzli Maralym-a.
Durdy bagşy isleýdi gara gözli gelini,
Gapysynda saklasyn men bendeýi-guluny,
Eltip bazara salsa, hiç kim tutman goluny,
Ýar gazaba çykypmy, bir ynsaba gelermi?
Gamza bilen bir baksa, meniň janym alarmy?.
Görmesem takatym iok, ak ýüzli maralym-a.