Ýomutda, gökleňde, özbek, täjikde,
Sen kimin owadan ýokdur, Keýik han,
Gara göz, galam gaş, maral göz gelin,
Sen kimin owadan ýokdur, Keýik han.
Owazyň düşüpdir ýakyna-ýada,
Sypatyň meňzetdim bir perizada,
Rumy-Ystambylda, şähri-Bagdatda,
Sen kimin owadan ýokdur, Keýik han.
Gelipdir döwletiň-abadan ýazyň,
Elmydam gurugly toý-baýram, sazyň,
Zähmetde, jedelde ýok deňiň-taýyň,
Sen kimin owadan ýokdur, Keýik han.
Gurban aýdar, perä meňzär bir kişi,
Uzyn boý, inçe bil on sekiz ýaşy,
Peýkamdyr sanjylar göz, galam gaşy,
Tarypyndan zyýadadyr, Keýik han.