DÜŞDI

Eý agalar, ol obada,

Gözüm bir gülzara düşdi,

Saçy şamar ak ýüzünde,

Bir owsunjy mara düşdi.

Ony gören bende şatdir,

Belki, dowzahdan azatdyr,

Meger, asly perizatdyr,

Göwnüm ol gümana düşdi.

Agzynda  altyn galasy,

Yşkyň oduna ýanasy,

Uzak ýerden çoh nalasy,

Hemmämize şeýle düşdi.

Molla diýr, ýaryn görende,

Ýüregim jiglär, gülende,

Zülpüne şemal degende,

Her tary bir ýana düşdi.