Sen-sen köňlümiň hoşgähi,
Galmanam, senden galmanam,.
Şeýda köňlüm seýilgähi,
Galmanam, senden galmanam.
Bagrym ýakdy yşkyň derdi,
Söýmüşem seniň dek merdi,
Harap bolsun Bagdat ýurdy,
Galmanam, senden galmanam.
Men hem barsam Zöhre jana,
Isterem bolsam hemhana,
Goýmagyl meni armana,
Galmanam, senden galmanam.
Maňa zyndandyr bu jahan,
Sensiz maňa bolmaz döwran.
Ýakar her dem ruzy-hijran,
Galmanam, senden galmanam.
Mahym diýer, ýandym bu gün.
Synamdadyr dagy-dügün,
Örtär hijran bogun-bogun,
Galmayam, senden galmanam.