HOŞ GAL INDI
Gidermen Tatar iline,
Begler, hanlar, hoş gal indi!
Baş goýmuşam ýar ýoluna,
Dost-ýaranlar, hoş gal indi!
Men gidermen Zöhre ýara,
Neýleýin, boldum -biçäre,
Gözi ýaş, bagry ýüz para,
Mahym gülüm, hoş gal indi!
Mahym janym, bir arzym bar,
Menden başga bolma dildar,
Bu sözümni tutgul zynhar,
Söwer ýarym, hoş gal indi! ,
Tahyr diýer dönmen senden,
Sen hem el göterme menden,
Habarym geler kyrk günden,
Halaýyklar, hoş gal indi!