Arzymny eşitgil, sen perizadym,
Bize näzli ýardan salam gelipdir,
Allaga sygyndym, eşitgil dadym,
Bize söwer ýardaý salam gelipdir.
Ötebilmen ala dagyň ýolundan,
Ak ýüzünde goşa-goşa halyndan,
Arslan baýyň gyzy Harman däliden,
Maňa dali gyzdan salam gelipdir,
Ötebilmen, ala dagyň gary bar,
Akgöwsünde goşa-goşa nary bar,
Gülharmanyň bu gün bize zary bar,
Bize söwer ýardan, salam gelipdir.
Görogly beg,«özi gelsin» diýipdir,
Üç ýüz altmyş kelle kesip goýupdyr,
«Gelip, meni özi alsyn» diýipdir;
Bize söwer ýardan salam gelipdir.