|
Sapa dagyň sergininde,
Öwser gara zülpüň seniň.
Säher wagty, daň çagynda,
Towsar gara ýülpüň seniň.
Alyp geldim uzak ýoldan,
Jerenli suwsuz çölden,
Gähi sagdan, gähi soldan,
Böwser gara zülpüň seniň.
Ýazlasam ýaryň bagynda,
Gyşlasam göwsüň agynda,
Sabanyň sergin çagynda,
Keser gara zülpüň seniň.
Gyrat münup, ýollar ädem,
Ýar, şirin lebindei dadam,
Ak ýüzünde badam-badam,
Basar gara zülpüň seniň.
Gyrat mündüm aga-ýana,
Ýar lebinden gana-gana.
Towlanyp o ýan, bu ýana,
Tasar gara zülpüň seniň.
Dag başynda dursammykan,
Ýar, köýünde ýörsemmikäm,
Ýa men özüm alsammykam,
Eser gara zülpün seniň.
Arap at meýdanda ýörer,
Är bolan lebzinde durar,
Ýa Görogly, piriň urar,
Asar gara zülpüň seniň,
|
|
|