AT KIŞINIŇ ÝOLDAŞYDYR
Däli köňlüm, melul bolma,
Melul muhannes işidir.
Janym Gyrat derkar boldy,
At kişiniň gardaşydyr.
Sen atyňa gulluk eýle,
Çykar donuňy, jul eýle,
Iýmini-otun bol eýle,
At kişiniň ýoldaşydyr.
Galkan ýigide galadyr,
Taslyny bilmeseň beladyr,
Dogan-dogana penadyr,
Emekdeş diwal daşydyr.
Gal-ha, Görogly, galawer,
Dosdy, duşmanyň bilewer,
Tur-da ýoluňy alawer
Gyratyň göwün hoşudyr.