Men bir oglan, geldim seniň adyňa,
Ajap oglan baga seýle gelipdir,
Sen bir şa sen, ýetiş meniň dadyma,
Ajap oglan baga seýle gelipdir.
Men bir aşyk, geldim saňa saz bilen,
Bir jeren awladym bahry-baz bilen,
Döwüşim bar Harmandäli gyz bilen,
Ajap oglan baga seýle gelipdir.
Wagtyň ötse, elip katdyň dal bolar,
Aryby görende, diliň lal bolar,
Halypama synam üsti ýol bolar,
Ajap oglan baga seýle gelipdir.
Aşyk Kerem arz eýlesem özüne,
Gurban bolsam gaşy bilen gözüne,
Aşyk boldum enesiniň gyzyna,
Ajap oglan baga seýle gelipdir.