Owsun atyp, tolgunar sen,
Abat bolsun köller, Öwez,
Aglamakdan gana döndi,
Gözde ýaşym siller, Öwez.
Daşyn gözläp, herýan bakdy,
Gahar bilen janym ýakdy,
Balhdan ötüp, Hinde çykdy,
Kanda barar ýollar, Öwez.
Erkin dagdan alar pajy,
Watandan etdiň hyrajy,
Şeker talhdyr, nabat ajy,
Sensiz geçse ýyllar, Öwez.
Gitdi Öwez, oglum gitdi,
Baryp ordasyna ýetdi,
Göroglyga gahar etdi,
Saňa gurban janlar, Öwez.