GITSEM GELER MEN
Zöhre jananymdyr: Mahym gyz — janym,
Aglama; Mahym jan, gitsem, gelermen.
Niçik terk edermen sen mähribanym,
Aglama Mahymjan, gitsem, gelermen.
Başyma düşüpdir aýralyk güni,
Saňa pida kyldym jan bile teni.
Razy bol, Babahan öldürse meni.
Aglama, Mahymjan, gitsem, gelermen.
Biri tawus, biri köňül sonasy,
Ýakdy meni iki gyzyň nalasy.
Rugsat bersin Mahym janyň enesi,
Aglama, söwdügim;gitsem, gelermen!
Tahyr diýer, söýdüm iki perini,
Tatarda — Zöhre jan, Bagdatda — seni,
Özün köp ýyglaýyp; ýyglatma meni,
Rugsat ber, Mahym jan, gitsem, gelermen!