Tatarda Zöhre jan, Bagdatda — Mahym,
Gozlerimiň agy-garasy gyzlar.
Dagliry ýandyrar bu çeken ahym,
Bitmez synalarmyň ýarasy gyzlar.
Zöhre diýp ýüzlensem men bagry birýan,
Mahym janym aglar ýüregi girýan,
Iki gyzyň arasynda sergerdan,
Ýakdy meni yşkyň höwesi gyzlar.
Biri tarlan kibi bakar her ýana,
Biri zülpün darar, golunda şana,
Ikisi duş-duşdan ot saldy jana,
Ýakdy meni yşkyň söwdasy gyzlar.
Biri — Aý, biri — Gün, ýetebilmesmen,
Ikewin bir golda tutabilmesmen,
Şeker leblerinden ýutabilmesmen,
Mysaly kölleriň sonasy gyzlar.
Hiç kimse köýmesin köýen oduma,
Arzymny aýdarmen perizadyma,
Ruzy-şeb dowamat düşer ýadyma,
Tahyryň diliniň senasy gyzlar.