Eý saba, zarym meniň arz ile jananymga aýt,
Kanda görseň, ýalbaryp jismim ýakan janymga aýt,
Şamy-owkatym sypatyn mahy-gabanymga aýt,
Kamatymnyň hamlygyn serwi-huramanymga aýt,
Leblerimniň teşneligni aby-Haýwanymga aýt.
Delmuryp, her ýany gözläp, arzuwy-ýar olmasyn.
Zöhre janymga salam: -agýar dildar olmasyn.
Ýykdyryp sabryn binasyn, beýle dildar olmasyn,
Elmydam ýarym diýip, aglap gezip, zar olmasyn.
Yşkyň ody köýdüren ol Çeşme-girýanymga aýt.
Kasyda bergil habar -göz ýaşy gerýandyr --Dýiýp,
Sen periniň hijrinden haly perişandyr — Diýip,
Dertli men sorgul:Dowamat näme dermandyr — Diýip,
Tahyryň meý ornuga içdýgi gandyr — Diýip;
Zöhre atly mahy-peýker, ähli ýalganymga aýt.