Tahyr jan, hezil etme maňa,
Hezil eýle, Zöhre jan bilen.
Oýnap degişmek ýaraşmaz,
Kempire nowjuwan bilen.
Her kim oýnar öz deňine,
Baş urma dünýä jeňine,
Gaflatda galyp soňuna,
Ötmegeý sen arman bilen,
Ýaman ,ýoldur yşkyň ýoly,
Bolar sen diwana, däli,
Hakykatyn sorgul weli,
Eneň Şahyhuban bilen.
Ýüzleri jennetiň güli,
Zülpleri sowsan-sünbüli,
Owazy Erem bilbili,
Örtär seni pygan bilen.
Garrylaryň pendin alsaň,
Garyplara rehim kylsaň,
Zöhre jana aşyk bolsaň,
Öter ömrüň hijran bilen.
Garry aýdar, budur sözüm,
Çoh neferler gördi gözüm,
Sen — oglum, Zöhrejan — gyzym, .
Ähtiňiz bar peýman bilen.