|
Begler, iki peri söýdüm,
Söýmäge gözel ýaraşar;
Iki periniň aldynda,
Durmaga gözel ýaraşar.
Bir-birine yzzat edip,
Şirin leblerinden dadyp,
Iki deň ädim ädip,
Ýörmäge gözel ýaraşar.
Çekmişem jebri-jepany,
Görmüşem ähti-wepaýy,
Aşretli zowky-sapany,
Sürmäge gözel ýaraşar.
Çekdim gözeller derdini,
Bilmezler aşyk gerdini,
Gözel-gözelniň merdini,
Görmäge gözel ýaraşar.
Men doga almyşam pirden,
Gol göterdim namys ardan,
Iki gözelni bir ýerden,
Barmaga gözel ýaraşar.
Hemra dost bagyna girip,
Täze güllerinden tirip,
Gülüp, oýnap, sapa sürüp,
Ýörmäge gözel ýaraşar.
| |
|