|
Agalar, bir peri gördüm,
Saçy aýagyna düşmüş;
Dakynypdyr heýkel, gumar,
Herdem gujagyna düşmüş.
Gollary çykmaz hynadan,
Parh edip bolmaz sonadan,
Aýrylyp ata-eneden,
Jennetiň bagyna düşmüş.
Bu baglaryň gül-lälesi,
Çöl-deştleriň gandalasy,
Perhatnyň ahy-nalasy,
Şirinin, dagyna düşmüş.
Ol perini gören çagda,
Läleler açylar bagda,
Uzyn boýly, giň gujakda,
Höwesim agyna düşmüş.
Ýalňyz başym galdy derde,
Akyl-huş galmady serde,
Myhman bolman özge ýerde,
Ýaryň otagyna düşmüş.
Könül her dem gaýnap joşmaz,
Yşkyň oduna tutaşmaz,
Hemra özge ýerde düşmez,
Ýaryň gujagyna düşmüş.
Gollary çykmaz hynadan,
Parh edip bolmaz sonadan,
Aýrylyp ata-eneden,
Jennetiň bagyna düşmüş.
Bu baglaryň gül-lälesi,
Çöl-deştleriň gandalasy,
Perhatnyň ahy-nalasy,
Şirinin, dagyna düşmüş.
Ol perini gören çagda,
Läleler açylar bagda,
Uzyn boýly, giň gujakda,
Höwesim agyna düşmüş.
Ýalňyz başym galdy derde,
Akyl-huş galmady serde,
Myhman bolman özge ýerde,
Ýaryň otagyna düşmüş.
Könül her dem gaýnap joşmaz,
Yşkyň oduna tutaşmaz,
Hemra özge ýerde düşmez,
Ýaryň gujagyna düşmüş.
|
|
|