|
ÝAR GYRMYZY GEÝNIPDIR
Äý ýaranlar, musulmanlar,
Ýar gyrmyzy geýinipdir;
Ýaýylypdyr ak ýüzünde,
Tar gyrmyzy geýinipdir.
Gurban olam galam gaşa,
Ýar jygasyn sanjar başa,
Synasynda goşa-goşa,
Nar gyrmyzy geýinipdir.
Bakyşyňyz jeren kibi,
Reftaryňiz maral kibi,
Iki zülpi şamar kibi,
Mar gyrmyzy geýinipdir.
Ýarym geler güle-güle,
Gülüşi meňzär bilbile,
Niçe gözel gyzlar bile,
Bar gyrmyzy geýinipdir.
Gel Saýat, gidäli baga,
Ýarym, bak synamda daga,
Hemranyň janyn almaga,
Ýar gyrmyzy geýinipdir.
| |
|