Gulak salgyn, balam, ahy-dadyma,
Gitme-gitme, balam, menziliň daşdyr,
Subhy-şam düşer sen meniň ýadyma,
Gitme, guzym, gitjek menziliň daşdyr.
Sen bolmasaň, bu dünýäni neýlerem,
Hijran ody bile bagrym daglaram,
Men özümni biribara çaglaram,
Gitme, balam, barjak menziliň daşdyr.
Bilbil kibi düşem ahy-pygana,
Indi rehmiň gelsin bu şirin jana,
Goýma balam, meni dagy-hijrana,
Gitme, balam, gitjek ýollaryň daşdyr.
Ataň Ahmet aýdar köňlünde barya,
Tapa bilmen gelip, garyp mazaryn,
Çykargyl köňlünden Alma diýaryn,
balam, gitjek menziliň daşdyr.