Algyr laçyn, aç garyçgaý bakyşlym,
Kanda meniň gara gözlim görünmez;
Şirin janym yşk oduna ýakyşlym,
Kanda meniň gara gözlim görünmez.
Al howadan uçan laçyn meýnalym,
Awuny aldyran tuýgun synalym,
On barmagy bogun-bogun hynalym,
Nirde menin söwer ýarym görünmez.
Oturanda zülpün ýere degdiren,
Turanda gulpagyn bilige oran,
Özi boz balaman dalmynyp duran,
Kanda meniň şirin tillim görünmez.
Hemrahynyň şaperisi gaçanda,
Daşyň rehimi gelmez ýaşyn saçanda,
Perim «lepbeýik» diýip, agzyn açanda,
Nirde meniň söwer ýarym görünmez,