Ozaldan adaglym jan, Hemrahym,
Neçün menden ýüz dönderdiň, ezizim?
Daglary erider bu çeken ahym,
Neçün menden ýüz dönderdiň, ezizim?
Eldaş eýläp, meni algyl ýanyňa,
Aýlanaýyn atyn bile donuňa,
Men gurbanam şöwketiňe-şanyňa,
Neçün menden ýüz dönderdiň, ezizim?
Bir gül idim, üzdüň, täze ýapragy,
Synam üzre goýdun hijranly dagy,
Gel, Hemrahym, bu gün aýralyk çagy,
Neçün menden ýüz dönderdiň, ezizim?
Göterdim perdäni gül dek ýüzümden,
Akyl bolsaň, magny algyn sözümden,
Selbinyýaz diýr, ýaş akdyryp gözümden,
Neçün menden nüz dönderdiň, ezizim?